யாழில். சட்டவிரோதமான முறையில் மணல் ஏற்றி சென்ற இருவர் விளக்கமறியலில்

சட்டவிரோதமான முறையில் மணல் ஏற்றி சென்ற இரு டிப்பார் வாகன சாரதிகள் விளக்கமறியலில் தடுத்து வைக்கப்பட்டுள்ளனர். 

எமது வாட்ஸ் அப் செய்தி குழுமத்தில் இணைந்து கொள்ள இந்த இணைப்புக்கு செல்லுங்கள் 

https://chat.whatsapp.com/H2g8RmUpm8xDqiZJH11jfN

கிளாலி பகுதியில் இருந்து அனுமதியின்றி சட்டவிரோதமான முறையில் டிப்பர் வாகனங்களில் மணல் ஏற்றி வந்த இரு சாரதிகளை எழுதுமட்டுவாழ் பகுதியில் வைத்து , கொடிகாம பொலிஸார் கைது செய்திருந்தனர். 

கைது செய்யப்பட்ட இரு சாரதிகளையும் , மணலுடன் கைப்பற்றப்பட்ட அவர்களின் இரண்டு டிப்பர் வாகனங்களையும் கொடிகாம பொலிஸ் நிலையத்திற்கு கொண்டு சென்று சாரதிகள் இருவரிடமும் விசாரணைகளை முன்னெடுத்த பின்னர் , இருவரையும் நேற்றைய தினம் செவ்வாய்க்கிழமை சாவகச்சேரி நீதவான் நீதிமன்றில் முற்படுத்திய வேளை இருவரையும் எதிர்வரும் 14 நாட்களுக்கு விளக்கமறியலில் வைக்குமாறு மன்று உத்தரவிட்டுள்ளது.