வல்லிபுர ஆழ்வார் கோவில் வருடாந்திர தேர் திருவிழா

வரலாற்று சிறப்புமிக்க யாழ்ப்பாணம் வல்லிபுர ஆழ்வார் கோவில் வருடாந்திர தேர் திருவிழா இன்றைய தினம்(5) ஞாயிற்றுக்கிழமை மிக சிறப்பாக இடம்பெற்றது.  

தேர் திருவிழாவின் போது, யாழ்ப்பாணத்தின் பல்வேறு பகுதிகளிலிருந்தும் ஆயிரக்கணக்கான பக்தர்கள் கலந்து கொண்டனர்.

நூற்றுக்கணக்கான அடியவர்கள் அங்க பிரதட்டை , ஆட்டக்காவடி , தூக்கு காவடி பால் காவடி,கற்பூர சட்டி எடுத்து தமது நேர்த்தி கடன்களை நிறைவேற்றினர்.  

நாளைய தினம் திங்கட்கிழமை மாலை சமுத்திர தீர்த்தம் மிக சிறப்பாக நடைபெறவுள்ளமை குறிப்பிடத்தக்கது