இலங்கையில் பேரிடர் - நேற்றைய தினம் சனிக்கிழமை மாலை வரையில் 8 இலட்சத்து 33ஆயிரத்து 985 பேர் பாதிப்பு

நாடு முழுவதும் பெய்த கடும் மழையினால் நேற்றைய தினம் சனிக்கிழமை மாலை 6 மணி வரையான காலப்பகுதியில் 2இலட்சத்து 34 ஆயிரத்து 503 குடும்பங்கள் அனர்த்தத்திற்கு உள்ளாகியுள்ளதாக தேசிய அனர்த்த நிவாரண சேவை நிலையத்தின் உதவிச் செயலாளர் ஜயதிஸ்ஸ முனசிங்க தெரிவித்தார். 

மேலும் தெரிவிக்கையில்,

இதன் மூலம் 8இலட்சத்து 33ஆயிரத்து 985 நபர்கள் பாதிக்கப்பட்டுள்ளனர் 

உறுதிப்படுத்தப்பட்ட 159 மரணங்களும், 203 பேர் காணாமல் போயுள்ளதாக இதுவரை பதிவாகியுள்ளதாகது.

அனர்த்தம் காரணமாக இலங்கை முழுவதும் 919 பாதுகாப்பு நிலையங்கள் பாதிக்கப்பட்ட மக்களுக்காக சேவைகளை வழங்கி வருவதுடன், 34ஆயிரத்து 198 குடும்பங்களைச் சேர்ந்த ஒரு 22ஆயிரத்து 822 நபர்கள் இந்த பாதுகாப்பு நிலையங்களில் தங்கியுள்ளனர்.

அனர்த்த நிவாரண சேவைகள் தொடர்பாக பொதுமக்களுக்கு ஏதேனும் தகவல்களை வழங்குவதற்காக அனர்த்த நிவாரண சேவை நிலையத்தின் நேரடி தொலைபேசி இலக்கமான 0112 665 258 மற்றும் அனர்த்த முகாமைத்துவ பிரிவின் 117 என்ற இலக்கத்தையும் அழைக்க முடியும் என மேலும் தெரிவித்தார்.