அனோஜனின் மரண தண்டனை ரத்து

சவூதி அரேபியாவின் உயர் நீதிமன்றம் இலங்கை பிரஜையான அனோஜன் சிவராசாவுக்கு விதிக்கப்பட்டிருந்த மரண தண்டனையை ரத்து செய்துள்ளதாக இலங்கையின் பிரதி வெளிவிவகார அமைச்சர் அருண் ஹேமச்சந்திரா தெரிவித்துள்ளார்

தமது உத்தியோகப்பூர்வ பேஸ்புக் கணக்கில் அவர் இந்த விடயத்தை குறிப்பிட்டுள்ளார்.

சவூதி உயர் நீதிமன்றம் 2026 அக்டோபர் 13 அன்று மரண தண்டனை விதித்து பிறப்பித்த தீர்ப்பை ரத்து செய்துள்ளதாக பிரதி அமைச்சர் குறிப்பிட்டுள்ளார்.

இலங்கை அரசாங்கத்தின் தொடர்ச்சியான இராஜதந்திர மற்றும் சட்ட ரீதியான முயற்சிகளின் பலனாக இது கிடைத்துள்ளது என்றும், சிவராசாவுக்கு இது ஒரு மிகப்பெரிய நிவாரணம் என்றும் அருண் ஹேமச்சந்திரா கூறியுள்ளார்.

இவ்விடயத்தில் ஒத்துழைப்பு வழங்கியதற்காக சவூதி அரேபிய அரசாங்கத்திற்கு தமது நன்றியை பிரதி அமைச்சர் தெரிவித்துள்ளார்.

மேலும், இதற்காக உழைத்த இலங்கையின் தூதுவர், வெளிவிவகார அமைச்சின் செயலாளர் மற்றும் அதிகாரிகள், இலங்கை வெளிநாட்டு வேலைவாய்ப்புப் பணியகத்தின் தலைவர் மற்றும் உறுப்பினர்கள், அத்துடன் இலங்கை மற்றும் சவூதி சட்டக் குழுக்களுக்கும் அவர் நன்றி தெரிவித்தார்.

இந்த அறிவிப்பு அனோஜன் சிவராசாவின் சட்ட வழக்கில் ஒரு முக்கிய முன்னேற்றத்தைக் குறிக்கிறது, இருப்பினும் அவரது தற்போதைய சட்ட நிலைமை மற்றும் அடுத்தகட்ட நடவடிக்கைகள் குறித்தான மேலதிக விவரங்கள் எதுவும் வெளியிடப்படவில்லை.