ராஜகிரிய பகுதியில் தீ விபத்து

ராஜகிரிய, ஒபேசேகரபுர பகுதியில் உள்ள தொழிற்சாலை ஒன்றில் தீ விபத்து சம்பவம் ஒன்று பதிவாகியுள்ளது.

வாகனங்களுக்கு சேவை வழங்கும் நிலையம் ஒன்றில் இந்த தீ விபத்து ஏற்பட்டுள்ளதாக பொலிஸார் தெரிவித்தனர்.

தீயை அணைக்க கோட்டை மாநகர சபையின் 3 தீயணைப்பு வாகனங்கள், தீயணைப்புப் பிரிவு மற்றும் அதன் திணைக்களத்தின் 2 தீயணைப்பு வாகனங்கள் ஈடுபடுத்தப்பட்டுள்ளதாக தீயணைப்பு சேவை திணைக்களம் தெரிவித்துள்ளது.

வாகனங்களுக்கு சேவை வழங்கும் நிலையத்தில் ஏற்பட்ட தீ, அருகில் உள்ள வீட்டுத் தொகுதிக்கும் பரவியுள்ளதாக தீயணைப்புத் துறை தெரிவித்துள்ளது.