அங்கவீனமுற்ற இராணுவ வீரர்களை சந்தித்த ஜனாதிபதி

ஜனாதிபதி அநுரகுமார திசாநாயக்க அத்திடியவில் உள்ள மிஹிந்து செத் மதுர நல்வாழ்வு மையத்திற்கு இன்றைய தினம் திங்கட்கிழமை நேரில் சென்று, காயமடைந்த போர் வீரர்களின் நலன் விசாரித்துள்ளார்.

30 ஆண்டுகால உள்நாட்டுப் போரின் பேரழிவு தாக்கத்தை பிரதிபலிக்கும் வகையில், இதுபோன்ற ஒரு சோகம் மீண்டும் ஒருபோதும் அனுமதிக்கப்படக்கூடாது என்று ஜனாதிபதி திசாநாயக்க வலியுறுத்தினார்.

போர் காலங்களில் பாதிக்கப்பட்ட வீரர்கள் மற்றும் அவர்களது குடும்பங்களின் நலன் மற்றும் மேம்பாட்டிற்கான தனது அசைக்க முடியாத அர்ப்பணிப்பை அவர் மீண்டும் உறுதிப்படுத்தினார், 

அவர்களின் வாழ்க்கையை மேம்படுத்த தொடர்ச்சியான ஆதரவையும் வளங்களையும் வழங்குவதாக உறுதியளித்தார்.