யாழ்.போதனாவில் தீ விபத்தில் எரிந்த மருந்து களஞ்சிய சாலையை பார்வையிட்ட சுகாதார அமைச்சர்

தீ விபத்தில் எரிந்து நாசமான யாழ்ப்பாணம் போதனா வைத்தியசாலையின் மருந்து களஞ்சிய சாலையை சுகாதார மற்றும் ஊடகத்துறை அமைச்சர் நளிந்த ஜயதிஸ்ஸ நேரில் பார்வையிட்டார். 

கடந்த மே மாதம் 09ஆம் திகதி மருந்து களஞ்சிய சாலையில் ஏற்பட்ட தீ விபத்தில் , களஞ்சிய சாலை முற்றாக எரிந்து நாசமாகியதுடன் . களஞ்சிய சாலையில் காணப்பட்ட புற்று நோய்க்கான மருந்துகள் , சத்திர சிகிச்சைக்கான மருந்துகள் உள்ளிட்ட பெறுமதியான மருந்துகள் தீயில் எரிந்து நாசமாகி இருந்தன. 

இந்நிலையில் , புதிய மருந்து களஞ்சிய சாலை அமைப்பதற்கான நடவடிக்கைகள் எடுக்கப்பட்டுள்ளதுடன் , தீ விபத்து தொடர்பிலான விசாரணைகளும் முன்னெடுக்கப்பட்டு வரும் நிலையில் சுகாதார அமைச்சர் தீயில் எரிந்த மருந்து களஞ்சிய சாலையை நேரில் பார்வையிட்டு இருந்தமை குறிப்பிடத்தக்கது.